Almaniya məsləhətləşmələr aparmaq üçün Gürcüstandakı səfirini geri çağırıb
Berlin, 19 oktyabr, AZƏRTAC
Almaniya Xarici İşlər Nazirliyi Gürcüstandakı səfiri Peter Fişeri məsləhətləşmələr üçün geri çağırıb.
AZƏRTAC xəbər verir ki, bu barədə Almaniya Xarici İşlər Nazirliyinin X platformasındakı rəsmi səhifəsində bildirilib.
Məlumatda Almaniya Xarici İşlər Nazirliyinin Gürcüstan ilə münasibətlərdə bundan sonrakı addımları müzakirə etmək məqsədilə məsləhətləşmələr aparmaq üçün səfir Peter Fişeri geri çağırmaq qərarına gəldiyi qeyd olunub.
Bundan başqa, sabah Avropa İttifaqı Xarici İşlər Nazirləri Şurasının toplantısının gündəliyinə Gürcüstanla bağlı məsələnin də daxil edəcəyi vurğulanıb.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
