Almaniya millisinin baş məşqçisi istefaya göndərilib
Bakı, 10 sentyabr, AZƏRTAC
Futbol üzrə Almaniya milli komandasının baş məşqçi Hans-Diter Flick istefaya göndərilib.
AZƏRTAC xəbər verir ki, bu barədə Almaniya Futbol Assosiasiyasının saytında məlumat yayılıb.
Assosiasiyanın rəhbəri Bernd Neuendorf qərarın qaçılmaz olduğunu, milliyə “son məyusedici nəticələrdən sonra” yeni təkan lazım olduğunu söyləyib.
Sentyabrın 9-da Almaniya yığması yoldaşlıq görüşündə Yaponiya millisinə uduzub. Görüş 1:4 hesabı ilə başa çatıb. Bundan əvvəl almanlar ardıcıl dörd yoxlama oyununda məğlub olmuşdular.
Flick 2021-ci ilin mayından Almaniya millisini çalışdırırdı. Onun rəhbərliyi altında milli Qətərdə keçirilən dünya çempionatının qrup mərhələsinin oyunlarından birində Yaponiyaya uduzaraq pley-offa çıxa bilməyib.
Bölmənin digər xəbərləri
