ALMANİYA SÜLHMƏRAMLILARININ ƏFQANISTANDA FƏALİYYƏT VAXTI DAHA BİR İL MÜDDƏTİNƏ UZADILMIŞDIR
Parlamentin fövqəladə iclasında çıxış edən xarici siyasət idarəsinin başçısı Frank-Valter Ştaynmayer və federal müdafiə naziri Frans-Yozef Yunq bundesverin hərbi kontingentinin Əfqanıstanda sülhyaratma fəaliyyətini ləyaqətlə yerinə yetirməsi barədə geniş məlumat vermiş, hərbçilərin növbəti bir il müddətində orada qalmasının vacibliyini diqqətə çatdırmışlar.
Səsvermədə iştirak edən 572 parlament üzvündən 492 nəfəri mandatın vaxtının uzadılmasının lehinə, 71 nəfəri əleyhinə olmuş, 9 deputat bitərəf qalmışdır.
Xatırladaq ki, hazırda Əfqanıstanda Almaniya bundesverinin 3 min hərbçisi NATO-nun İSAF beynəlmiləl sülhməramlı kontingenti tərkibində dislokasiya olunmuşdur.
Bölmənin digər xəbərləri
