ALMANİYADA 45 NƏFƏR AZƏRBAYCANLI TƏCRÜBƏ KEÇƏCƏKDİR
AZƏRTAC xəbər verir ki, Alman Akademik Mübadilə Xidmətinin (DAAD) ölkəmizdəki nümayəndəliyi magistrlərın, gənc alimlərin, ali məktəb müəllimlərinin və elmi işçilərin öz bilik və təcrübələrini Almaniyanın universitet və elmi-tədqiqat mərkəzlərində artırmalarına kömək məqsədi ilə həyata keçirdiyi təqaüd proqramlarının builki qaliblərini müəyyənləşdirmişdir.
Sosiologiya, politologiya, beynəlxalq münasibətlər, hüquq və digər sahələr üzrə keçirilmiş xüsusi müsabiqədə 45 nəfər qalib gəlmişdir. Onlar Almaniyanın Berlin, Münhen, Drezden, Köln, Bremen universitetlərində təcrübə kecəcək, qərb təhsilinin yenilikləri ilə tanış olacaqlar.
Bölmənin digər xəbərləri
