ALMANİYADA DƏMİR YOLU NƏQLİYYATINDA BİLETLƏRİN QİYMƏTİ BİR DAHA ARTIRILMIŞDIR
AZƏRTAC-ın xüsusi müxbiri xəbər verir ki, 2005-ci il dekabrın 11-dən etibarən Almaniyada dəmir yolu nəqliyyatında biletlərin qiyməti bir daha artırılmışdır. Ölkə daxilində sərnişin biletlərinin mövcud qiyməti 2,6 faiz, ölkədən xaricə gedən sərnişinlərin biletlərinin qiyməti isə 2,9 faiz bahalaşdırılmışdır.
Federal Dəmir Yol İnhisarları Birliyi – “Deutsche Bahn”ın güzəştlərindən istifadə edən şəxslər və məktəblilər də daimi sərnişin biletlərinə 2,6-2,9 faiz artıq rüsum ödəməlidirlər.
“Deutsche Bahn” bu qərarını dünya bazarında yanacağın bahalaşması ilə əlaqələndirir.
Bölmənin digər xəbərləri
