Almaniyada kinoteatrda baş verən atışma nəticəsində yaralananlar var VİDEO
Bakı, 23 iyun, AZƏRTAC
Almaniyanın qərbində yerləşən Firnhaym şəhərindəki “Kinopolis” kinoteatrda naməlum şəxs ətrafdakı insanlara atəş açaraq onlarla insanı yaralayıb.
AZƏRTAC RİA Novosti informasiya agentliyinə istinadla xəbər verir ki, müxtəlif mənbələrin yaydıqları məlumatlara əsasən insident nəticəsində 20 nəfərdən 50 nəfərədək insan yaralanıb. Kinoteatrın ərazi polis tərəfindən mühasirəyə alınıb. Yaralılar yaxınlıqda yerləşən xəstəxanalara çatdırılıb. Hadisənin təfərrüatları barədə hələ ki, dəqiq informasiya verilmir.
Hadisəni törədən şəxsin saxlanıldığı bildirilir.
Bölmənin digər xəbərləri
