ALTI UŞAQ ANASI AFİNA OLİMPİADASINDA QIZIL MEDAL UĞRUNDA MÜBARİZƏ APARACAQ

07.07.2004 [13:48]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, qarşıdan gələn Olimpiya oyunlarında tapançadan 25 metr məsafəyə güllə atıcılığı yarışlarında Avstraliyanı 56 yaşlı Anett Vudvord təmsil edəcəkdir.

Altı uşaq anası Vudvord atıcılıqla yalnız 1990-cı ildən ciddi məşğul olmağa başlamışdır. Onu idmanın bu növünə 1984-cü il Los-Anceles Olimpiadasının bürünc mükafatçısı 52 yaşlı Patrisiya Denç həvəsləndirmişdir.

Vudvord 1994-cü ildə Millətlər Birliyi Oyunlarında iki yüksək mükafata layiq görülmüş, Atlantada Avstraliya yığmasının tərkibində çıxış etmiş, dörd ildən sonra isə yenə Birlik Oyunlarında qalib gəlmişdir. A.Vudvordun sözlərinə görə, bu dəfəki Olimpiadada o, qızıl medal uğrunda mübarizə aparmaq əzmindədir.

ALTI UŞAQ ANASI AFİNA OLİMPİADASINDA QIZIL MEDAL UĞRUNDA MÜBARİZƏ APARACAQ

MÜƏLLİFLƏ ƏLAQƏ

Bölmənin digər xəbərləri