Amazon meşələri hər il 15 milyondan çox xəstəlik halının qarşısını alır
Bakı, 10 aprel, AZƏRTAC
Yeni bir araşdırmaya görə, tədqiqatçılar Braziliyanın Amazon tropik meşələrindəki təbii ehtiyatların çirklənmiş havanı udmaqla hər il 15 milyondan çox xəstəlik halının qarşısını aldığı qənaətinə gəlib.
AZƏRTAC tibbi saytlara istinadla bildirir ki, nəticələri “Nature” jurnalında dərc edilən onillik araşdırmada diqqət Amazon tropik meşələrinin meşə yanğınlarının törətdiyi çirkləndiricilərin insan sağlamlığına mənfi təsirlərinin qarşısının alınmasına yönəldilib.
Tədqiqatlar Amazon meşələrinin çirkli havanı udmaqla hər il 15 milyondan çox xəstələnmənin qarşısını ala bildiyini göstərib. Amazon meşələri səbəbindən tənəffüs və ürək-damar xəstəliklərinin müalicəsi ilə bağlı sağlamlıq xərclərinə ildə təxminən 2 milyard dollar qənaət edildiyi proqnozlaşdırılıb.
Nəticələr göstərir ki, Amazon tropik meşələri hər il 26 min metrik ton hissəcikləri udmaq qabiliyyətinə malikdir.
Bölmənin digər xəbərləri
