Ankaranın Kızılcahamam bələdiyyə məclisi Xocalı soyqırımının tanınması haqqında qərar qəbul etmişdir
Bakı, 28 mart (AZƏRTAC). Ankaranın Kızılcahamam bələdiyyə məclisi yekdilliklə Xocalı soyqırımının tanınması haqqında qərar qəbul etmişdir.
Xarici İşlər Nazirliyinin mətbuat xidmətindən AZƏRTAC-a bildirmişlər ki, qərarda 1992-ci il fevralın 26-da Azərbaycanın Xocalı şəhərində ermənilər tərəfindən törədilmiş soyqırımın unudulmamalı, gələcək nəsillərə və bəşəriyyətə çatdırılmalı olduğu qeyd edilmişdir.
Qərarda, həmçinin Xocalıda törədilmiş soyqırımının ermənilər üçün tarixi qara ləkə olduğu qeyd edilmiş, bu vəhşiliyin bir nəslin yox edilməsi aktı olduğu vurğulanmış və bu cinayəti törədənlərin cəzalandırılmasının vacibliyi bildirilmişdir.
Bölmənin digər xəbərləri
