“Apple” apreldə yeni “iPad” modellərini təqdim etməyi planlaşdırır
Bakı, 18 mart, AZƏRTAC
ABŞ-ın "Apple" şirkəti apreldə yeni "iPad" modellərini təqdim etməyi planlaşdırır.
AZƏRTAC xarici saytlara istinadla xəbər verir ki, mənbələrin məlumatına əsasən, "Apple" korporasiyası təkmilləşdirilmiş prosessor və kameralar əlavə etməklə "iPad Pro" istehsal xəttini yeniləməyə hazırlaşır. Yeni modellər indiki "iPad Pro" qurğularına oxşar olacaq və displeyin ölçüləri olduğu kimi (11 x 12,9 düym) saxlanılacaq.
1976-cı ildə təsis edilmiş "Apple" korporasiyası fərdi və planşet kompüterlərin, audiopleyerlərin, telefonların, "ağıllı" saatların istehsalı və proqram təminatının hazırlanması ilə məşğul olur. Şirkət ötən ilin oktyabrında 4 yeni smartfon modelini təqdim edib: "iPhone 12" və "iPhone 12 mini", həmçinin "iPhone 12 Pro" və "iPhone 12 Pro Max".
Bölmənin digər xəbərləri
