“APPLE” ŞİRKƏTİNİN SİDNEY OFİSİ ERMƏNİLƏRİ MƏHKƏMƏYƏ VERƏCƏK
Cəzasızlıq şəraitində qondarma “erməni soyqırımı”nı təbliğ edən ermənilər şirkətin dünya gənclərinin sevimlisi olan əyləncəli “iPod” saytındakı rəsmlərindən icazəsiz istifadə edərək, antitürk şüarlarla birlikdə Sidney Universitetinin divarlarına yapışdırmışlar. Bu plakatları divarlardan türkiyəli tələbələr qoparmışlar.
Türkiyənin “İhlas” xəbər agentliyinin araşdırma aparan müxbiri sözügedən şirkətin Avstraliyadakı ofisinə zəng etmişdir. “Apple”ın nümayəndəsi Fiona Martin ermənilərin kampaniyasından xəbərsiz olduqlarını və siyasi aksiyalara qoşulmaq istəmədiklərini bildirmişdir. O, şirkətin vəkillərinə ermənilərin bu hərəkəti ilə bağlı məhkəmə iddiası hazırlanmasına dair təlimat verildiyini, mətbuat konfransı keçiriləcəyini demişdir.
Bölmənin digər xəbərləri
