“Araz” futzal komandası yoxlama oyununda qalib gəlib
Bakı, 6 oktyabr, AZƏRTAC
UEFA kuboku yarışlarının əsas mərhələsinə hazırlaşan “Araz” komandası yoxlama oyunu keçirib.
AZƏRTAC xəbər verir ki, ölkə çempionu Yüksək Liqanın iddialı komandalarından hesab edilən “Neftçi İK” ilə qarşılaşıb. Oyun “Araz”ın 2:0 hesablı qələbəsi ilə başa çatıb. Qolları Vilela və Rizvan Fərzəliyev vurublar.
Qeyd edək ki, “Araz” UEFA kubokunun əsas mərhələsi çərçivəsində oyunlarını oktyabrın 11-də, 12-də və 14-də keçirəcək. İlk oyunda “Mostar”la (Bosniya və Herseqovina) üz-üzə gələcək təmsilçimiz növbəti matçını “Luxol ST Andreus” (Malta) klubuna qarşı keçirəcək. Son oyun günündə isə “Araz” “Deva” (Rumıniya) ilə qarşılaşacaq. Oyunlar Rumıniyanın Deva şəhərində keçiriləcək.
Bölmənin digər xəbərləri
