“Araz-Naxçıvan” daha iki transferi açıqlayıb
Bakı, 13 yanvar, AZƏRTAC
“Araz-Naxçıvan” futzal klubu növbəti transferlərini açıqlayıb.
Klubdan AZƏRTAC-a verilən məlumata görə, son Azərbaycan çempionu Bosniya və Herseqovinadan Miloş Todoriçlə anlaşıb. Serbiyanın “Loznitsa Qrad” klubundan “qırmızı-ağlar”a təşrif buyuran 20 yaşlı oyunçu ilə müqavilə mövsümün sonuna qədərdir.
“Araz-Naxçıvan”ın digər transferi yerli futzalçıdır. Nijni-Novqorod şəhərinin təmsilçisi “Torpedo-2”nin yetirməsi olan Həsənəli Rəhimov da cari çempionatın sonuna qədər “qırmızı-ağlar”ın formasını geyinəcək.
Qeyd edək ki, “Araz-Naxçıvan” daha əvvəl braziliyalı hücumçu Andre Korrea dos Santos Juniorun keçidini açıqlayıb.
Bölmənin digər xəbərləri
