İDMAN
“Araz-Naxçıvan” klubu 11 yerli futbolçu ilə müqavilə imzalayıb
Bakı, 19 iyul, AZƏRTAC
Transfer çalışmalarını davam etdirən “Araz-Naxçıvan” klubu bu gün yerli futbolçularla müqavilə imzalayıb.
AZƏRTAC kluba istinadla xəbər verir ki, ötən mövsüm 27 qolla Birinci divizionun bombardiri olan Orxan Əliyev, eləcə də komandanın Premyer Liqaya vəsiqə qazanmasında pay sahibi olan Vüsal Şabanov, Tuqay Əlizadə, Bayraməli Qurbanov, Həzrət İsayev və Vadim Abdullayevlə müqavilə yenilənib.
“Səbail”dən Turan Manafov və Nihat Qurbanlı, “Kəpəz”dən Nicat Süleymanov, “Şamaxı”dan Elçin Mustafayev də yeni mövsümdə “Araz-Naxçıvan”ın formasını geyinəcəklər. Abdulla Rzayev isə “Sabah”dan icarəyə götürülüb. Onlarla imzalanan müqavilə mövsümün sonunadək nəzərdə tutulub.
Qeyd edək ki, bunadək “Araz-Naxçıvan” üç legionerlə - qapıçı Semir Bukviç, Nuno Miguel və Vandersonla anlaşıb. Heyətin komplektləşdirilməsi istiqamətində çalışmalar davam etdirilir.