“Artım”da növbəti sərgi – “Dərman arardım dərdimə”
Bakı, 18 aprel, AZƏRTAC
Yarat Müasir İncəsənət Mərkəzinin “Artım” layihə məkanında “Dərman arardım dərdimə” adlı sərgi açılacaq.
AZƏRTAC xəbər verir ki, rəssamlar Səma Abdalova, Ayten Abdullayeva, Aygün Baxşiyeva, Zaur Qəhrəmanov, Ceyran Mir-Qasım, Nərmin Nəsibova, Lenay Seidəlizadənin əsərlərinin yer aldığı sərgi aprelin 20-də açılacaq və mayın 4-dək ziyarətçilər üçün açıq qalacaq.
İnsanın öz mənəvi böhranından məlhəm axtarışı onun özünü tapmaq, kamillik qazanmaq cəhdidir. Dərdlərin həllinə çalışarkən mənəvi böhran qaçılmaz olur. Ruh hər zaman harmoniya axtarışındadır, dünyamız isə disharmonikdir. Bizim dərdlərimizin də, ümidlərimizin də mənbəyi bu uyğunsuzluqdur. “Dərman arardım dərdimə” sərgisi insan iztirablarından, mənəvi böhranlarından şəfa taparaq, kamilləşmə yolunu vurğulayır.
Sərgidə YARAT Müasir İncəsənət Məktəbinin tələbələrinin əl işləri nümayiş olunacaq.
Bölmənin digər xəbərləri
