Arturo Vidalın yeni klubu müəyyənləşib
Bakı, 7 sentyabr, AZƏRTAC
İspaniyanın “Barselona” futbol klubunun yarımmüdafiəçisi Arturo Vidalın yeni klubu müəyyənləşib.
AZƏRTAC xarici KİV-lərə istinadla xəbər verir ki, 33 yaşlı yarımmüdafiəçi “İnter”lə razılığa gəlib. A Seriya təmsilçisi çilili oyunçu ilə 2+1 illik müqavilə imzalamağa hazırlaşır. Futbolçu “İnter”də illik 6 milyon avro və əlavə bonuslar qazanacaq.
Bundan əlavə Vidal “Barselona” ilə müqaviləyə xitam verməzdən əvvəl “İnter”dən 2-3 milyon avro məbləğində bonus ödəmələrini xahiş edir.
Qeyd edək ki, A.Vidal 2018-ci ildən Kataloniya təmsilçisində oynayır.
Bölmənin digər xəbərləri
