Asiya Kuboku: İraq qrup mərhələsini maksimum nəticə ilə başa vurub
Bakı, 24 yanvar, AZƏRTAC
Qətərdə təşkil olunan futbol üzrə Asiya Kubokunda qrup mərhələsinin üçüncü turunun növbəti oyunları keçirilib.
AZƏRTAC xəbər verir ki, bu gün oynanılan iki matçla D qrupunda mübarizəyə yekun vurulub.
1/8 final mərhələsinə vəsiqəni ötən tur təmin edən İraq millisi qrupdakı son oyununda Vyetnama 3:2 hesabı ilə qalib gələrək maksimum nəticə göstərib - 9 xal.
Bu qrupda pley-offa yüksələn ikinci komanda isə İndoneziyanı 3:2 hesabı ilə üstələyən Yaponiya kollektivi (6 xal) olub.
Qeyd edək ki, Asiya Kubokuna fevralın 10-da yekun vurulacaq.
Bölmənin digər xəbərləri
