ASTANANIN PAYTAXT ELAN EDİLMƏSİNİN SƏKKİZ İLLİYİ TAMAM OLMUŞDUR

12.12.2005 [11:28]
Çap et
A⁺ A^-

AZƏRTAC-ın xüsusi müxbiri xəbər verir ki, dekabrın 10-da Astananın səkkiz yaşı tamam olmuşdur. 1997-ci il dekabrın 10-da Qazaxıstan Prezidenti Nursultan Nazarbayevin fərmanı ilə Akmola şəhəri ölkənin paytaxtı elan edilmişdir. Bir müddət sonra şəhərin adı dəyişdirilərək Astana (paytaxt) qoyulmuşdur. Astananın paytaxt elan olunması ilə əlaqədar keçirilən şənliklərdə ümummilli liderimiz Heydər Əliyev də iştirak etmiş, öz xeyir-duasını vermişdir.

Şəhərin qədim adı Karaotkel olmuşdur. Bu, Ural və Sibiri Mərkəzi və Orta Asiya ilə birləşdirən Böyük İpək yolunun şimalında yerləşən eyniadlı qazax mahalının adından götürülmüşdür. Karaotkel Daşkənddən Urala və Rusiyanın başqa ərazilərinə gedən karvan yolu üzərində, əlverişli yerdə olduğundan sonralar bu ərazi ticarət mərkəzinə çevrilmişdir.

1832-ci ildə salınan şəhər 1961-ci ilədək Akmolinsk, 1992-ci ilədək Selinoqrad, 1993-cü ildən 1998-ci ilə qədər Akmola adlanmışdır.