Astarada yeniyetmə məktəblilər arasında mini futbol üzrə rayon birinciliyi başa çatıb
Astara, 7 mart, Bağır Əliyev, AZƏRTAC
Astara Olimpiya İdman Kompleksində rayon gənclər və idman idarəsinin təşkilatçılığı ilə keçirilən yeniyetmə məktəblilər arasında mini futbol üzrə rayon birinciliyi başa çatıb.
AZƏRTAC-ın bölgə müxbiri xəbər verir ki, dairəvi sistem üzrə keçirilən və beş gün davam edən yarışın finalında Astara şəhər 1 və 2 nömrəli tam orta məktəblərin komandaları qarşılaşıblar. Gərgin idman mübarizəsi şəraitində keçən final görüşündə daha inamlı oyun nümayiş etdirən şəhər 1 nömrəli tam orta məktəbin futbolçuları 2:1 hesabı ilə qələbə qazanaraq rayon birinciliyinin qalibi olublar.
Qaliblərə diplomlar və hədiyyələr təqdim edilib.
Bölmənin digər xəbərləri
