Vergi orqanlarında çalışan işçilərin bu yaxınlarda başa çatmış attestasiyasının nəticələri təhlil edilərək yekun sənəd hazırlanmışdır. 

Vergilər Nazirliyindən AZƏRTAC-a bildirmişlər ki, ilkin məlumatların təhlilinə görə, kənd rayonlarının vergi orqanlarında çalışanlar attestasiya zamanı şəhərli həmkarlarından üstün nəticələr qazanmışlar. Attestasiyadan məqsəd vergi orqanları əməkdaşlarının peşəkarlığını yüksəltmək, vergi ödəyiciləri ilə işi təkmilləşdirməkdir. Hazırda qeydiyyatda ölkə üzrə 150 minə qədər vergi ödəyicisi vardır. Onların yalnız 80 minə yaxını faktiki fəaliyyət göstərir. Hesablamalara görə, bu il vergi ödəyicilərinin sayı 3 dəfə artacaqdır.