AVARÇƏKƏNLƏRİMİZ TƏLİM-MƏŞQ TOPLANIŞINDA İŞTİRAK EDƏCƏKLƏR
Azərbaycan Milli Avarçəkmə Federasiyasının mətbuat xidmətindən AZƏRTAC-a bildirmişlər ki, akademik avarçəkmə, baydarka və kanoe üzrə yığma komandalarımız yanvarın 10-da Mingəçevir şəhərinə növbəti təlim-məşq toplanışına yollanacaqlar.
“Kür” Təlim-Tədris Mərkəzində keçiriləcək hazırlıq prosesinə 3 məşqçi və 27 idmançı qatılacaqdır. 18 və 23 yaşadək akademik avarçəkmə üzrə yığma komandalarımız məşqçilər Aleksandr Barabanov və Samir Məmmədovun rəhbərliyi altında çalışacaqlar.
Baş məşqçi İlham Qafarov isə 4 nəfərdən ibarət baydarka və kanoeçilərimizi çalışdıracaqdır.
Məşqlər yanvarın 31-də yekunlaşacaqdır.
Bölmənin digər xəbərləri
