AVROPA PARLAMENTİ ATAF-I LOBBİ TƏŞKİLATI KİMİ RƏSMİ QEYDİYYATA ALMIŞDIR
AZƏRTAC xəbər verir ki, Azərbaycanlı Tələbələrin Avropa Forumu (ATAF), lobbi təşkilatı kimi Avropa Parlamentində rəsmi qeydiyyatdan keçmişdir. Bununla da ATAF Avropa Parlamentinin bütün sessiyalarında, toplantılarında iştirak etmək hüququ qazanmışdır.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, ATAF Avropa Parlamentində akkreditə olunan ilk Аzərbaycan lobbi təşkilatıdır.
ATAF-ın baş katibi Vüsal Məmmədov demişdir ki, qeydiyyat üçün bir ay əvvəl Avropa Parlamentinə müraciət edilmişdir. Müraciətimizin müsbət qarşılanması Azərbaycanın uğurudur.
ATAF artıq Avropa Komissiyasının sentyabrın 3-də keçirəcəyi konfransına dəvət almışdır.
Bölmənin digər xəbərləri
