AVROZONA ÖLKƏLƏRİNİN SAKİNLƏRİNİ AVRONU TÜRK LİRƏSİ İLƏ QARIŞDIRMAMAĞA ÇAĞIRIRLAR

30.11.2005 [16:22]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Avrozona ölkələrində bir lirə dəyərində yeni türk sikkələrinin meydana gəlməsi ilə əlaqədar region KİV-ləri Qərbi Avropa dövlətlərinin sakinlərini onları avro ilə qarışdırmamağa çağırırlar.

İş ondadır ki, bu il yanvarın 1-dən Türkiyədə tədavülə buraxılmış yeni sikkələr öz xarici görünüşünə görə ikiavroluq sikkələrə çox oxşayır. Hər iki sikkənin mərkəzi mis hissəsini nikel çənbər dövrələyir və onlar əslində diametrinə görə bir-birinə uyğun gəlir.

Bundan əlavə, lirənin üz hissəsində müasir Türkiyə Cümhuriyyətinin banisi və qurucusu Mustafa Kamal Atatürkün, ikiavroluq sikkələrdə isə Avropa monarxları (sikkələri zərb etmiş ölkələrdən asılı olaraq) təsvir edilmişdir ki, bu da onları xarici görünüşcə bir-birinə çox bənzədir.

Nəzərə çarpan yeganə fərq ondadır ki, avroda “2”, lirədə isə “1” rəqəmi zərb edilmişdir.