AVSTRALİYASAYAĞI MƏRHƏMƏT – KENQURULAR GECƏLƏR MƏHV EDİLİR

14.07.2004 [18:44]
Çap et
A⁺ A^-

AZƏRTAC-ın İTAR-TASS agentliyindən aldığı xəbərdə deyilir ki, Avstraliya paytaxtının həndəvərində saysız-hesabsız kenquru peyda olmuşdur. Bu, Kanberranın hakimiyyət dairələrini ciddi narahat edir. Odur ki, “çağırılmamış qonaqlar”ı kütləvi surətdə qırmağa başlamışlar.

Xüsusi paytaxt ərazisinin ekologiya məsələləri üzrə rəsmi nümayəndəsi xanım Mahina Kuper bildirmişdir ki, uzun sürən quraqlıq kenquruları Kanberranın yaxınlığındakı sututarların ətrafına toplaşmağa vadar etmişdir. Burada onlar, demək olar, bütün yaşıllığı məhv etmişlər ki, bu da sututarların ciddi eroziyaya məruz qalması təhlükəsi yaradır.

Paytaxtın rəsmi şəxslərinin fikrincə, bu kenquruları qırmaq problemin həllinin ən humanist üsuludur, çünki quraqlıq nəticəsində kenquruların sayı azalmaqda davam edir. Kenquruları qırmaq üçün artıq xüsusi atıcılar işə götürülmüşdür və onlar heyvanları gecələr ovlayacaqlar.

AVSTRALİYASAYAĞI MƏRHƏMƏT – KENQURULAR GECƏLƏR MƏHV EDİLİR

MÜƏLLİFLƏ ƏLAQƏ

Bölmənin digər xəbərləri