AVTOMAŞINDAN NARKOTİK VASİTƏ TAPILMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Narkotiklərlə Mübarizə Baş İdarəsinin cənub bölgəsində regional şöbəsi əməkdaşlarının keçirdiyi əməliyyat nəticəsində Lənkəran şəhər sakini Etibar Salayevə məxsus “VAZ-2106” markalı avtomaşından 200,21 qram heroin tapılmışdır.
Siyəzən Rayon Polis Şöbəsinin əməkdaşları isə rayon sakini Mehdi Tağıyevdən 10,1 qram marixuana götürmüşlər. Narkotik vasitəni Mehdi Tağıyevə satmış Zarat kənd sakini Yunus Eldarov da tutulmuşdur. Ondan əlavə 2,59 qram marixuana aşkarlanmışdır.
Faktlarla bağlı cinayət işi açılmışdır.
Bölmənin digər xəbərləri
