Azərbaycan alimi beynəlxalq elmi-texniki jurnalın redaksiya heyətinə üzv seçilib
Bakı, 7 aprel, AZƏRTAC
Azərbaycan Texniki Universitetinin (AzTU) Energetika və avtomatika fakültəsinin dekanı Hüseynqulu Quliyev Rusiyanın “Elektriçeskiye stansii” adlı elmi-texniki jurnalının redaksiya heyətinə üzv seçilib.
AzTU-dan AZƏRTAC-a bildirilib ki, ayda bir dəfə nəşr olunan jurnalda elektrik stansiyalarının istehsal problemləri, eyni zamanda, elektrik və istilik enerjilərinin istehsalı, ötürülməsi və paylanması zamanı yaranan bütün problemlər əks olunur.
Rusiya Energetika Nazirliyinin həmtəsisçisi olduğu jurnalda dərc edilən məqalələrdən seçmələr “Scopus” bazasına yerləşdirilir.
Bölmənin digər xəbərləri
