AZƏRBAYCAN AVARÇƏKMƏ CÜTLÜYÜ AVROPA ÇEMPİONATININ FİNALINA ÇIXA BİLMƏMİŞDİR
Bakı, 1 avqust (AZƏRTAC). Azərbaycanın Rüfət Vəlizadə-Mirnazim Cavadovdan ibarət avarçəkmə cütlüyü Moskvada gənclər arasında baydarka və kanoe üzrə keçirilən Avropa çempionatının finalına çıxa bilməmişlər. Yarımfinal yarışlarında bu cütlük 1000 metr məsafəni 9 iştirakçı arasında 8-ci qət etmişdir. Reqlamentə görə, finala finiş lentini keçmiş ilk 3 cütlük düşə bilərdi.
Avqustun 2-də çempionatda yarımfinal və final yarışları keçiriləcəkdir. Yarımfinalda 2 Azərbaycan avarçəkəni - Andrey Kraytor (kanoe) və Rüfət Vəlizadə (baydarka) yarışacaqlar.
Bölmənin digər xəbərləri
