Azərbaycan badmintonçusu: İkinci setdə daha yaxşı çıxış etdim
Bakı, 31 iyul, AZƏRTAC
“Ardıcıl olaraq ikinci olimpiadada hazırda top “üçlük”də qərarlaşan Antonsen kimi güclü badmintonçu ilə qarşılaşdım. İstər-istəməz həyəcan var idi”.
AZƏRTAC xəbər verir ki, bu sözləri “Paris-2024” Yay Olimpiya Oyunlarında iştirak edən Azərbaycan badmintonçusu Edi Reski Dviçayo deyib.
O, ilk setdə çətinlik çəkdiyini bildirib: “İkinci setdə isə daha yaxşı çıxış etdim. Lakin rəqibin təcrübəsi daha çoxdur. Püşkdən şikayətlənə bilmərəm. Olimpiadada uğur qazanmaq istəyirsənsə, bu səviyyədə rəqiblərlə oynamağa hazır olmalısan”.
Bölmənin digər xəbərləri
