AZƏRBAYCAN BİLYARDÇISI AVROPA ÇEMPİONATINDA GÜMÜŞ MEDAL QAZANMIŞDIR
AZƏRTAC xəbər verir ki, Bakı Olimpiya İdman Kompleksində bilyardın sərbəst piramida növu üzrə Avropa çempionatı başa çatmışdır.
Azərbaycan idmançıları arasında yalnız Seyhun Ağayev fəxri kürsüdə yer almışdır. Bütün rəqiblərinə qalib gələrək finala yüksələn S.Ağayev bu mərhələdə Rusiya təmsilçisi Yuri Paşinskiyə məğlub olaraq gümüş medala layiq görülmüşdür. Y.Paşinski isə Avropa çempionu tituluna sahib çıxmışdır. Daniel Boquşevski (Rusiya) və Aleksandr Palamar (Ukrayna) bürünc medallara sahib olmuşlar.
Qadınlar arasında isə qızıl medalı Ukrayna təmsilçisi Alyona Rusakova qazanmışdır. Yelena Bunos (Belarus) ikinci, Janna Smataçenko (Ukrayna) və Anastasiya Luppova (Rusiya) üçüncü yeri tutmuşlar.
Bölmənin digər xəbərləri
