Azərbaycan Birinci Liqanın başlama vaxtı müəyyənləşib
Bakı, 21 iyun, AZƏRTAC
Azərbaycan Birinci Liqa və Əvəzedicilərin çempionatının başlama tarixləri, həmçinin oyunçu limitləri bəlli olub.
AZƏRTAC Peşəkar Futbol Liqasına istinadla xəbər verir ki, Birinci Liqa sentyabrın 13-də start götürəcək. Bu turnirdə futbolçu limiti 8+3 (8 azərbaycanlı, 3 legioner) olacaq.
Əvəzedicilərin yarışı Premyer Liqanın startından 1 gün sonra - avqustun 5-də başlayacaq. Burada limit 7+4 (7 yerli futbolçu 2002 və ya daha gənc təvəllüdlü, 4 futbolçu sərbəst (legioner də ola bilər)) olacaq.
Qeyd edək ki, qarşıdakı mövsümdən etibarən Birinci divizion Birinci liqa, yeni yaranmış İkinci divizion isə İkinci liqa adlandırılacaq.
Bölmənin digər xəbərləri
