AZƏRBAYCAN ƏRAZİLƏRİNDƏ MİNALARIN TƏTBİQİ VƏ ONUN NƏTİCƏLƏRİ MÖVZUSUNDA SEMİNAR KEÇİRİLMİŞDİR
MİNALARIN Qadağan Olunması Uğrunda Azərbaycan Kampaniyası (PƏMQOU AK) “Azərbaycan ərazilərində minaların tətbiqi və onun nəticələri” mövzusunda seminar keçirmişdir.
AZƏRTAC–ın müxbiri xəbər verir ki, RƏMQOU AK–nın direktoru Hafiz Səfixanov tədbiri açaraq təşkilat barədə qısa məlumat verdi. Qeyd olundu ki, RƏMQOU AK 1997–ci ildə Beynəlxalq Sülh mükafatı – Nobel mükafatına layiq görülmüş Beynəlxalq kampaniyanın tərkib hissəsidir və 1998–ci ildən Azərbaycan ərazisində fəaliyyət göstərir. Təşkilatın əsas vəzifəsi – mina qurbanları olmuş şəxslərin problemlərinin öyrənilməsi və onların ehtiyaclarının ödənilməsində yaxından iştirak etmək və s. olduğunu söyləyən natiq, layihəni Sloveniyada yerləşən Minaların Təmizlənməsi və Mina Qurbanlarına Yardım Beynəlxalq Ümid Fondunun maliyyələşdirdiyini dedi. Layihə 2003-cü ilin may ayından respublikanın 8 şəhər və rayonunun - Bakı, Gəncə, Sumqayıt, Saatlı, Sabirabad, Biləsuvar, Beyləqan və Bərdənin ərazisində keçirilmişdir. Sorğu anketi 45 sualı əhatə edir. Mina qurbanları ilə aparılmış sorğuların nəticələrini cədvəl vasitəsilə təqdim edən H.Səfixanov layihə çərçivəsində 700-dən artıq mina qurbanının müəyyən edildiyini, onlardan 127 nəfərin həlak olduğunu vurğuladı.
Mina qurbanlarının problemləri barədə danışan natiq, Əmək və Əhalinin Sosial Müdafiəsi Nazirliyi və yerli icra hakimiyyətlərinin əlillərə yaxından kömək etdiklərini dedi.
Tədbirin sonunda fikir mübadiləsi aparıldı
