AZƏRBAYCAN FİLMLƏRİ DÜNYA KİNOSUNUN ƏN GÖRKƏMLİ ƏSƏRLƏRİ SIRASINDA YER ALACAQDIR
YUNESKO-nun Katibliyi üzv dövlətlərə məktub göndərərək, milli kinoların nümunələri (bədii, sənədli, cizgi) barədə onlara məlumat verilməsini xahiş etmişdir. Orada seçilmiş hər bir filmin adı, müəllifi, rejissoru, istehsalçısı, qısa məzmunu, filmin hüquqlarını daşıyan tərəf haqqında ingilis, fransız və ya ispan dillərindən birində müfəssəl məlumat yazılmalıdır.
Kinematoqrafçılar İttifaqından AZƏRTAC-a bildirmişlər ki, YUNESKO-nun Katibliyinə göndəriləcək Azərbaycan filmlərinin siyahısı ( 3 bədii, 14 sənədli, 3 cizgi filmi) Mədəniyyət Nazirliyinə təqdim olunmuşdur.
Onların arasında “Arşın mal alan”, “Bir cənub şəhərində”, “Nəsimi” (bədii), “Pıçpıça xanım və siçan bəy”, “İthaf”, “Seans” (cizgi), “Xəzər neftçiləri haqqında dastan”, “Qobustan”, “Köç”, “Ağ-qara dünya” və sair sənədli filmlər vardır.
Bölmənin digər xəbərləri
