AZƏRBAYCAN FUTBOLÇULARI ALMANİYAYA LƏNKƏRANDAN GEDƏCƏKLƏR
Bakı, 5 avqust (AZƏRTAC). Məlum olduğu kimi, Dünya Çempionatı (DÇ) 2010-un seçmə mərhələsi çərçivəsində sentyabrın 9-da Hannover şəhərindəki “AWD Arena” stadionunda Almaniya və Azərbaycanın milli futbol komandaları qarşılaşacaqlar.
AFFA-dan bildirmişlər ki, komandamız Almaniyaya sentyabrın 6-da Lənkəran şəhərindən xüsusi reyslə yola düşəcəkdir.
Xatırladaq ki, sentyabrın 5-də Azərbaycan komandası Lənkəran şəhər stadionunda DÇ-2010-nun seçmə mərhələsi çərçivəsində Finlandiya yığması ilə qarşılaşacaqdır.
Komanda ilə yanaşı, oyunu izləmək istəyən azarkeşlər, mətbuat nümayəndələri də Almaniyaya Lənkərandan xüsusi reyslə yola düşəcəklər.
Bölmənin digər xəbərləri
