Azərbaycan gimnastları Bolqarıstana yola düşüblər
Bakı, 10 oktyabr, AZƏRTAC
Bolqarıstanda keçiriləcək 31-ci Avropa yaş qrupları yarışında iştirak edəcək akrobatika gimnastikası üzrə Azərbaycan milli komandası Varna şəhərinə yola düşüb.
Federasiyadan AZƏRTAC-a verilən məlumata görə, yarışda Azərbaycanı Aysel Musayeva, Darya Pasmurnova, Fidan Mirzəyeva (12-18 yaş, qadın qrupu-1), Jasmin Əliyeva, Aylin Məmmədova və Ayan Hacılı (12-18 yaş, qadın qrupu-2) təmsil edəcək.
Qeyd edək ki, turnir 12-15 oktyabr tarixlərində təşkil olunacaq.
Bölmənin digər xəbərləri
