AZƏRBAYCAN GÜLƏŞÇİLƏRİ BEYNƏLXALQ TURNİRƏ HAZIRLAŞIRLAR
Gənclər və İdman Nazirliyinin mətbuat xidmətindən AZƏRTAC-a bildirmişlər ki, yanvarın 17-dən 22-dək Moskvada yunan-Roma güləşi üzrə beynəlxalq turnir keçiriləcəkdir.
Turnirdə Azərbaycanı yunan-Roma güləşi üzrə yığma komandanın 7 idmançısı və hakim Balağa Zamanov təmsil edəcəklər.
Məşqçi Tofiq Eyvazovun rəhbərliyi ilə bu mötəbər yarışda ölkəmizin idman şərəfini Natiq Bağırov (55 kq), Sakit Cəlilov (60 kq), Rafiq Hüseynov (66 kq), Elvin Mürsəliyev (74 kq), Şalva Qadabadze (84 kq), Mişin Deniz (96 kq) və Anton Botev (120 kq) qoruyacaqlar.
Bölmənin digər xəbərləri
