AZƏRBAYCAN GÜLƏŞÇİSİ DÜNYA BİRİNCİLİYİNİN FİNALINA YÜKSƏLMİŞDİR
Bakı, 5 avqust (AZƏRTAC). Yunan-Roma güləşi üzrə Azərbaycan yığmasının üzvü Orxan Əhmədov (55 kq) Ankarada gənclər arasında keçirilən dünya birinciliyinin finalına çıxmışdır. O, ardıcıl olaraq, estoniyalı Dmitri Qoryuşko, Madi Zarbolov (Qazaxıstan) və Kanıbek Jolçubekov (Qırqızıstan) üzərində qələbə qazanmışdır. Qızıl medal uğrunda güləşçimizin rəqibi iranlı Məhəmməd Hatəmi olacaqdır.
Azərbaycan güləşçiləri Rüstəm Əliyev (66 kq) və Murtuza Tağıyev (84 kq) isə bürünc medal uğrunda yarışacaqlar.
Bölmənin digər xəbərləri
