AZƏRBAYCAN HEYDƏR ƏLİYEV YOLU İLƏ İNAMLA ADDIMLAYIR
AZƏRTAC-ın müxbiri xəbər verir ki, Yeni Azərbaycan Partiyası Kürdəmir rayon təşkilatının qərargahında “Heydər Əliyev məktəbi”nin növbəti məşğələsi keçirilmişdir. Tədbirdə rayon icra hakimiyyəti başçısının hümanitar məsələlər üzrə müavini, YAP rayon təşkilatının sədri Rafiq Mehdiyevin “Heydər Əliyev müstəqil Azərbaycan dövlətinin qurucusudur”, Vaqif Hacıyevin “Müstəqilliyimizi dönməz və əbədi edən şəxsiyyət” mövzularında məruzələri dinlənilmişdir. Məruzə və çıxışlarda belə bir fikir ifadə olunmuşdur ki, Azərbaycan tarixinin son otuz dörd illik dövrü böyük dövlət xadimi, ümummilli liderimiz Heydər Əliyevin adı və şəxsiyyəti, dövlətçilik təfəkkürü və yorulmaz fəaliyyəti ilə sıx bağlıdır. Müdrük xalqımız Heydər Əliyev siyasi xəttinin layiqli davamçısı Prezident İlham Əliyevin rəhbərliyi altında özünün daha parlaq gələcəyinə doğru inamla irəliləyir.
Bölmənin digər xəbərləri
