AZƏRBAYCAN İDMANÇILARI DÜNYA ÇEMPİONATINDA 20 MEDAL QAZANMIŞLAR
Kiprin Limasol şəhərində keçirilən yeniyetmələr, gənclər, kişilər və veteranlar arasında Beynəlxalq Həvəskar Kikboksinq Assosiasiyasının versiyası üzrə dünya çempionatına yekun vurulmuşdur.
Azərbaycan Kikboksinq Federasiyasının vitse-prezidenti Oqtay Mehdiyev AZƏRTAC-a bildirmişdir ki, yarışda çıxış edən Azərbaycan yığması 16 qızıl, 1 gümüş və 3 bürünc medal qazanmışdır.
Qeyd edək ki, qızıl medal qazananlar sırasında federasiyanın prezidenti, Milli Məclisin deputatı Adil Əliyev də vardır. O, veteranlar arasında keçirilən yarışda bütün rəqiblərinə qalib gələrək birincilik qazanmışdır.
Bölmənin digər xəbərləri
