Azərbaycan idmançıları WK-1 versiyası üzrə beynəlxalq turnirdə üç qızıl medal qazanıblar

12.11.2018 [14:38]
Çap et
A⁺ A^-

Tbilisi, 12 noyabr, AZƏRTAC

İdmanın WK-1 versiyası üzrə Tbilisidə keçirilən peşəkarlar arasında ikinci beynəlxalq reytinq döyüşlərində Azərbaycan təmsilçiləri 3-ü qızıl olmaqla 5 medal qazanıblar.

AZƏRTAC xəbər verir ki, peşəkarlar arasında beynəlxalq reytinq yarışında Murad Babayev (71 kq) və Cavidan Cəfərli (54 kq), nümunəvi döyüşdə isə yeniyetmə idmançımız Amin Talıbov (33 kq) qızıl medala sahib olublar. Babək Qəmbərov (57 kq) və Emin Bəşirov (67 kq) isə yalnız final görüşündə uduzaraq, yarışı gümüş medallarla başa vurublar.

Azərbaycanın “Qartal” Peşəkar İdman Klubunun, Gürcüstanın Tayboksinq və Kikboksinq Federasiyasının birgə təşkil etdiyi çempionatda altı ölkədən - Azərbaycan, Gürcüstan, Türkiyə, Qazaxıstan, Özbəkistan və İrandan 22 idmançı mübarizə aparıb.

Azərbaycan Dövlət İnformasiya Agentliyi - AZƏRTAC beynəlxalq reytinq yarışına informasiya dəstəyi verib.

Xətayi Əzizov

AZƏRTAC-ın xüsusi müxbiri

Tbilisi