CƏMİYYƏT
Azərbaycan nümayəndə heyəti Tbilisidə Ulu Öndərin abidəsini ziyarət edib
Tbilisi, 2 iyun, AZƏRTAC
Gürcüstanda səfərdə olan Azərbaycan nümayəndə heyəti iyunun 2-də Tbilisidəki Heydər Əliyev parkında Ümummilli Liderin büstünü ziyarət edərək önünə gül dəstələri qoyublar.
AZƏRTAC xəbər verir ki, nümayəndə heyətinin tərkibinə Milli Məclisin deputatı Nizami Cəfərov, hüquq müdafiəçisi, hüquq üzrə fəlsəfə doktoru Çingiz Qənizadə, siyasi elmlər doktoru, professor Vaqif Abdullayev, Gürcüstan-Azərbaycan Mədəni Əlaqələrinin İnkişaf Fondunun prezidenti Simon Kopadze daxildir.
Xətayi Əzizov
AZƏRTAC-ın xüsusi müxbiri
Tbilisi