Azərbaycan Premyer Liqasında onuncu turun rəmzi komandası açıqlanıb
Bakı, 6 noyabr, Nicat Məmmədov, AZƏRTAC
Futbol üzrə Azərbaycan Premyer Liqasında X turun rəmzi komandası müəyyənləşib.
AZƏRTAC Peşəkar Futbol Liqasının rəsmi saytına istinadla xəbər verir ki, rəmzi komandada son ölkə çempionu “Qarabağ”dan 6, “Qəbələ”dən 3, “Neftçi”dən 2 futbolçu yer alıb.
“Neftçi”dən Mirabdulla Abbasov beşinci, “Qəbələ”dən Sabian Lilay və “Qarabağ”dan Abbas Hüseynov üçüncü dəfə həftənin komandasına seçiliblər. “Qəbələ”dən Stiven Monroz, Təmkin Xəlilzadə, “Neftçi”dən Tural Axundov, “Qarabağ”dan isə Rahil Məmmədov, Simeon Slavçev və Con Delarj ikinci dəfə rəmzi komandanın “11-liy”də yer alıblar.
“Qarabağ”ın qapıçısı Hannes Halldorsson və müdafiəçi Bədavi Hüseynov ilk dəfə rəmzi komandada qərarlaşıblar.
Bölmənin digər xəbərləri
