AZƏRBAYCAN RESPUBLİKASININ MƏRKƏZİ SEÇKİ KOMİSSİYASINDA
Əvvəlcə Mərkəzi Seçki Komissiyasının 2004-cü il yanvarın 13-də, fevralın 25-də və aprelin 22-də keçirilmiş iclaslarının protokolları təsdiq edilmişdir.
Mərkəzi Seçki Komissiyası sədrinin müavini Svetlana Qasımova MSK tərəfindən vahid seçici siyahısının dəqiqləşdirilməsinin başa çatdırılması ilə əlaqədar siyahıların məntəqə və dairə seçki komissiyaları tərəfindən təsdiq olunması üçün müvafiq dairə seçki komissiyalarına qaytarılması haqqında məlumat vermişdir. Komissiya bu məsələnin müsbət həlli barədə qərar qəbul etmişdir.
Sonra 49 nömrəli Yevlax-Mingəçevir, 116 nömrəli Qəbələ və 19 nömrəli Nərimanov birinci seçki dairələrinə dair komissiyaların tərkibində dəyişikliklər edilməsi barədə məsələ müzakirə edilmiş, müvafiq qərarlar qəbul olunmuşdur.
Mərkəzi Seçki Komissiyası MSK-ya daxil olmuş müraciətlərə baxmış və onlar barədə qərarlar çıxarmışdır.
İclasın sonunda cari məsələlər müzakirə edilmişdir.
Mərkəzi Seçki Komissiyasının iclasında Seçki Sistemləri üzrə Beynəlxalq Fondun, ATƏT-in Bakı ofisinin və Yaponiya səfirliyinin təmsilçiləri, yerli və xarici kütləvi informasiya vasitələrinin nümayəndələri iştirak etmişlər.
Mərkəzi Seçki Komissiyasının
mətbuat xidməti.
Bölmənin digər xəbərləri
