AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
İyunun 1-də Bakıda açılışı keçirilən 11-ci Beynəlxalq Xəzər neft və qaz sərgi və konfransı münasibətilə Sizi və Azərbaycan xalqını təbrik edirəm. Azərbaycanı və digər Xəzər enerji istehsalçılarını beynəlxalq bazarlara birləşdirən Şərq-Qərb enerji dəhlizinin yaradılmasında tarixi tərəqqi əldə edilmişdir. Son il müddətində əsas enerji inkişafına Bakı-Tbilisi-Ceyhan neft kəmərində işlərin əlli faizdən çoxunun tamamlanması, Avropa bazarlarının Azərbaycan təbii qazı üçün açılması və Azərbaycan Neft Fondu vasitəsilə enerji gəlirlərinin idarə olunmasında şəffaflığın artması daxildir.
Bu sahədə Sizin liderliyiniz və səyləriniz Xəzər hövzəsində sülhə, sabitliyə, firavanlığa və regionun qlobal bazarlara inteqrasiyasına töhfədir. Birləşmiş Ştatlar Azərbaycanın və bütün regionun qlobal enerji təhlükəsizliyini və sülhü təmin etməkdə, firavan, demokratik gələcək qurmaqda Sizinlə sıx işləməyə hazırdır.
Sərginin və konfransın işinə uğur arzu edirəm.
Səmimiyyətlə,
Corc Buş
ABŞ Prezidenti
1 iyun 2004-cü il.
Bölmənin digər xəbərləri
