AZƏRBAYCAN ŞAHMATÇISI FƏRİD ABBASOV TURNİRİN LİDERİ RUSİYALI YEVGENİ NACERLƏ HEÇ-HEÇƏ ETMİŞDİR
AZƏRTAC xəbər verir ki, ümummilli lider Heydər Əliyevin 85-ci ildönümünə həsr olunmuş “Prezident Kuboku” Beynəlxalq şahmat festivalının 8-ci turunda turnirin liderləri - Azərbaycan şahmatçısı Fərid Abbasov rusiyalı Yevgeni Nacerlə qarşılaşmış, görüş heç-heçə başa çatmışdır.
Yarışın digər lideri, beynəlxalq qrossmeyster Sərxan Quliyev isə Gürcüstan təmsilçisi Baadur Cobavaya uduzmuşdur.
Digər qarşılaşmalarda aşağıdakı nəticələr qeydə alınmışdır: V.Malatxatko-V.Milov - 0,5:0,5, Q.Hüseynov-A.Aleksandrov - 0,5:0,5, T.Gelaşvili-R.Məmmədov - 0,5:0,5, V.Korçnoy-D.Fridman - 0,5:0,5, L.Aleksandr-Y.Timman - 1:0, V.Rəsulov-A.Fyodorov - 1:0, N.Şort-T.Sanikidze - 1:0, V.Durarbəyli-E.Qasanov - 1:0.
Son tur qarşısında turnir cədvəlinə səkkiz oyundan 7 xal yığmış Y.Nacer başçılıq edir. F.Abbasov, B.Cobava və A.Lastin (Rusiya) hər biri 6,5 xalla 2-4-cü yerləri bölüşürlər.
Bölmənin digər xəbərləri
