Azərbaycan təmsilçisi İspaniyada şahmat festivalında liderlər qrupunda mübarizəni davam etdirir
Bakı, 18 dekabr, AZƏRTAC
İspaniyanın Sitjes şəhərində şahmat festivalında təmsilçimiz liderlər qrupunda mübarizəni davam etdirir.
AZƏRTAC xəbər verir ki, yarışın güclü A turnirində mübarizə aparan Azərbaycan şahmatçılarından Eltac Səfərli 5 turdan 4,5 xal toplayaraq ikinci pillədə qərarlaşıb. Aydın Süleymanlı 4, Məhəmməd Muradlı 3,5, Ülviyyə Fətəliyeva 2,5 xala malikdirlər.
İsveçrə sistemi üzrə keçirilən turnirdə 300-ə yaxın şahmatçı iştirak edir ki, onlardan da 55-i qrossmeysterdir. Turnir 10 turdan ibarət olacaq və dekabrın 23-dək davam edəcək.
Bölmənin digər xəbərləri
