Azərbaycan və İslandiya milliləri tarixlərində üçüncü dəfə üz-üzə gələcək
Bakı, 13 noyabr, AZƏRTAC
Azərbaycan və İslandiya milliləri tarixlərində üçüncü dəfə üz-üzə gələcək.
AZƏRTAC xəbər verir ki, komandaların ilk dueli 2008-ci ilə təsadüf edib. Reykyavikdə təşkil olunan yoldaşlıq görüşündə 1:1 hesablı heç-heçə qeydə alınıb. Hesabı 48-ci dəqiqədə millimizin heyətində Fabio Luis Ramim açıb. Meydan sahibləri 10 dəqiqə sonra bərabərlik topunu vurublar.
Düz 17 il sonra, yəni bu il komandalar eyni arenada ikinci dəfə qarşılaşıblar. Budəfəki matç rəsmi xarakter daşıyıb. Sentyabrda DÇ-2026-nın seçmə mərhələsi çərçivəsindəki oyunda meydan sahibləri 5 cavabsız qolla qələbə qazanıblar. Məhz həmin matçdan sonra Fernandu Santuşla yollar ayrılıb və millimizin baş məşqçi postu Ayxan Abbasova tapşırılıb.
Qeyd edək ki, üçüncü Azərbaycan-İslandiya matçı bu gün 8-ci kilometr qəsəbə stadionunda saat 21:00-da başlayacaq.
Bölmənin digər xəbərləri
