AZƏRBAYCAN VOLEYBOLÇULARI TÜRKİYƏDƏ TƏLİM-MƏŞQ TOPLANIŞLARINDA İŞTİRAK EDƏCƏKLƏR
Bakı, 13 iyun (AZƏRTAC). İyunun 14-15-də Azərbaycanın voleybol üzrə qadınlardan ibarət milli yığma komandası təlim-məşq toplanışlarında iştirak etmək üçün Antalyaya yollanacaqdır.
İyunun 26-dan iyulun 5-dək Yekaterinburqda Rusiyanın birinci prezidenti Boris Yeltsinin xatirəsinə həsr olunmuş turnirə hazırlıq məqsədi daşıyan bu toplanışlar zamanı voleybolçularımız bir neçə yoldaşlıq görüşündə qüvvəsini sınayacaqlar.
Qeyd edək ki, xatirə turnirində Azərbaycan komandası ilə yanaşı, Belarus, Kuba, Yaponiya, Niderland və Rusiya yığmalarının da iştirakı nəzərdə tutulur.
Bölmənin digər xəbərləri
