AZƏRBAYCAN YIĞMASI BAKIDA KEÇİRİLƏN BEYNƏLXALQ FUTZAL TURNİRİNƏ QƏLƏBƏ İLƏ BAŞLAMIŞDIR
AZƏRTAC xəbər verir ki, yanvarın 15-də Azərbaycanın futzal üzrə yığma komandası Bakı İdman Sarayında başlanmış beynəlxalq turnirdə ilk qələbəsini qazanmışdır.
“TT”, “Qarabağ veteranları” və “Sumqayıt” klublarının futzalçılarından ibarət komanda ilə qarşılaşan Azərbaycanın əsas yığması 10:1 hesabı ilə qalib gəlmişdir. Xatırladaq ki, İran millisi yarışa gəlmədiyindən təşkilatçılar son anda turnirə “TT”, “Qarabağ veteranları” və “Sumqayıt” klublarının futzalçılarından ibarət yığma komanda çıxarmağı qərara almışlar.
Günün birinci qarşılaşmasında isə Qazaxıstan millisi Gürcüstan futzalçılarını 3:1 hesabı ilə məğlub etmişdir.
Yanvarın 16-da Azərbaycan klublarından ibarət komanda Qazaxıstanla, ölkəmizin əsas yığması isə Gürcüstan futzalçıları ilə qarşılaşacaqdır.
Bölmənin digər xəbərləri
