AZƏRBAYCANDA GƏNCLƏRLƏ BAĞLI SOSİAL XİDMƏT MÜƏSSİSƏLƏRİ ŞƏBƏKƏSİ YARADILIR
Bakı, 6 avqust (AZƏRTAC). Gənclər və idman nazirinin müavini İntiqam Babayev demişdir ki, regionların sosial-iqtisadi inkişafı Dövlət Proqramı çərçivəsində Azərbaycanda gənclərin asudə vaxtının səmərəli təşkilinə, onların ictimai fəallığına yönələn “Gənclər ili” sosial xidmət müəssisələri şəbəkəsi yaradılır. Hazırda Azərbaycanın müxtəlif bölgələrində “Gənclər evi”, “Gənclər mərkəzi” adı altında müəssisələr fəaliyyət göstərir. Gənclər burada mütəmadi toplaşaraq müxtəlif xarakterli tədbirlər keçirirlər. Bu da regionlarda gənclərin inkişafında mühüm rol oynayır.
Bölmənin digər xəbərləri
