AZƏRBAYCANIN GƏNCLƏRDƏN İBARƏT BOKS ÜZRƏ YIĞMA KOMANDASI AVROPA ÇEMPİONATINA HAZIRLAŞIR
Bakı, 1 avqust (AZƏRTAC). Azərbaycanın gənclərdən ibarət boks üzrə yığma komandası Gürcüstana ikihəftəlik təlim-məşq toplanışına yola düşmüşdür. Baş məşqçi Şamil Əlimjanovun rəhbərlik etdiyi komandaya 16 boksçu daxildir.
Təlim-məşq toplanışının nəticəsinə əsasən, 10 nəfərdən ibarət komanda yaradılacaqdır. Komanda avqustun 15-21-də Polşanın Şetsin şəhərində keçiriləcək Avropa çempionatında Azərbaycanı təmsil edəcəkdir.
Bölmənin digər xəbərləri
